२०७८,श्रावण,१९,मंगलवार

यू–१९ एसिया कप क्रिकेट : भारतमाथि नेपालको ऐतिहासिक विजय

२०७४,कार्तिक,२६,आईतवार ०९:४१


काठमाडौं, २६ कात्तिक । मलेसियामा जारी एसीसी यू–१९ एसिया कप क्रिकेटमा नेपालले भारतलाई पराजित गर्दै पहिलो जित हात पारेको छ शनिबार बंगलादेशसँग २ विकेटको हार बेहोरेको नेपालले आइतबार भारतलाई १९ रनले हराएको हो । नेपालको जितमा कप्तान दिपेन्द्रसिंह ऐरीले बलिङ र ब्याटिङ दुवैमा महत्वपूर्ण योगदान दिए भारतले टस जितेर पहिले फिल्डिङ रोजेपछि ब्याटिङ गरेको नेपालले निर्धारित ५० ओभरमा ८ विकेट गुमाएर १८५ रन बनाएको थियो । जवाफमा १८६ रनको लक्ष्य लिएर मैदान उत्रिएको भारत १६६ रनमा अलआउट भयो भारतका लागि हिमांशु रानाले ४६ रन, मनजोत कलराले ३५, अभिशेक शर्माले २७, अनुज रावतले १८ रनको योगदान गरे भारतलाई सस्तैमा समेट्ने क्रममा नेपालका लागि दिपेन्द्र सिंह ऐरीले ४ विकेट लिए भने शाहाब आलम र पवन सर्राफले समान २–२ तथा सन्दिप लामिछानेले १ विकेट लिए निकै खराब सुरुवात गरेको नेपालले २८ रन जोड्दा २ विकेट गुमाइसकेको थियो । आसिफ शेख ३ र अनिल शाह ६ रनमा आउट भए । चौथो नम्बरमा ब्याटिङमा आएका दिपेन्द्रले ओपनर जितेन्द्र सिंह ठकुरीसँग मिलेर नेपालको पारी सम्हाले जितेन्द्र र दिपेन्द्रले तेस्रो विकेटका लागि ४९ रनको साझदारी गरे । जितेन्द्र ३६ रन बनाए । त्यसपछि आएका कुनै पनि ब्याट्सम्यानले दिपेन्द्रलाई साथ दिन सकेनन् भीम सार्कीले १५ रन जोड्नु बाहेक अन्य कुनै ब्याट्सम्यानले दोहोरो अंक समेत जोड्न सकेनन् । नेपालको पारी सकिन ८ बल बाँकी छँदा आठौं विकेटका रुपमा आउट भएका दिपेन्द्रले १०१ बलमा ६ चौका र एक छक्काको मदतमा ८८ रन बनाए । यो जितसँगै नेपालको अघिल्लो चरण प्रवेशको सम्भावना जिवित भएको छ  

प्रकाशित मिति: २०७४,कार्तिक,२६,आईतवार ०९:४१

प्रतिक्रिया दिनुहोस !
सम्बन्धित खबरहरु

काठमाडौं । राष्ट्रिय टिमका पूर्व कप्तान पारस खड्काले अन्तर्राष्ट्रिय क्रिकेटबाट सन्यास लिने घोषणा गरेका छन् । उनले मंगलवार सामाजिक सञ्जालमार्फत्

काठमाडौं। पछिल्लो समय निकै विवादित बनेको अखिल नेपाल फुटबल संघ (एन्फा) र मुख्य प्रशिक्षक अब्दुल्लाह अल्मुताइरीबीचको विवादको छानबिन अब राष्ट्रिय

काठमाडौं। जारी टोकियो ओलम्पिक २०२० अन्तर्गत महिला फुटबल विधातर्फ अब अन्तिम दुई टोली बाँकि छन्। सोमवार खेलिएको दुई सेमी फाइनल

काठमाडौं। नेपाली राष्ट्रिय क्रिकेट टोलीका लेग स्पिनर तथा ग्लोबल आइकन सन्दीप लामिछानेले चौथौ संस्करणको एभरेष्ट प्रिमियर लिग ‘ईपीएल’मा काठमाडौं किङ्स-११

ताजा समाचार

संसदमा महेश बस्नेतको त्यो कविता
 २०७८,श्रावण,१९,मंगलवार १४:५२