२०७८,श्रावण,११,सोमवार

भंगालमा तीनवटा टेनिस कोर्टसहितको स्पोर्टस् भिल्ला सञ्चालनमा

२०७४,कार्तिक,२५,शनिवार ०८:३२


काठमाडौं, २५ कात्तिक । काठमाडौंको बुढानिलकण्ठ नगरपालिका–८ स्थित सुन्दरवस्ती भंगालमा नौलिन स्पोर्टस् भिल्ला सञ्चालनमा आएको छ अन्र्तराष्ट्रिय मापदण्ड अनुसारका दुई वटा डबल र एउटा सिंगल टेनिस कोर्टसहितको नौलिन स्पोर्टस् भिल्ला शनिबार सञ्चालनमा आएको हो उपप्रधानमन्त्री तथा उर्जामन्त्री कमल थापाले मनोज राणासँग टेनिस खेलेर स्पोर्टस् भिल्लाको शुभारम्भ गरे । उद्घाटन कार्यक्रममा काठमाडौं–४ मा प्रतिनिधिसभा उम्मेदवारहरु नेपाली कांग्रेसका गगन थापा, नेकपा एमालेका डा. राजन भट्टराई र विवेकशील साझा पार्टीकी शुबुना बस्नेत, नेपालमा टेनिस खेल भित्र्याउने ९० वर्षीय हेम लामा, वरिष्ठ मुटुरोग विशेषज्ञ डा. भगवान कोइराला पनि सहभागी थिए एक करोड २५ लाख रुपैयाँको लागतमा ६ महिना लामो समय लगाएर तयार पारिएको स्पोर्टस भिल्लामा विहान ६ बजेदेखि नौ बजेसम्म टेनिस खेल्ने सुविधा छ । प्याराफिटसहितको टेनिस कोर्टमा लाइटको समेत व्यवस्था छ नौलिन स्पोर्टस् भिल्लाका प्रबन्ध निर्देशक किशोर थापाले टेनिस खेलाडीहरुको संख्या बढिरहेको र स्वस्थ्य रहनका लागि टेनिस खेल्नेको संख्या पनि बढेको तर स्तरीय कोर्टको अभावमा उनीहरु सामान्य कोर्टमा चित्त बुझाउन वाध्य भएका कारण प्रशिक्षकहरुको सुझाव अनुसार अन्र्तराष्ट्रिय मापदण्डमा आधारित कोर्ट बनाएको बताए पाँच रोपनी क्षेत्रफलमा फैलिएको स्पोर्टस् भिल्लामा खेलाडीहरुका लागि तीन जना प्रशिक्षक र आवश्यक संख्यामा बल ब्वाइको व्यवस्था गरिएको छ उपप्रधानमन्त्री तथा उर्जामन्त्री कमल थापाले निजीस्तरबाट अन्र्तराष्ट्रियस्तरको कोर्ट निर्माणले टेनिस खेलको विकासमा ठूलो टेवा पुग्ने बताए । पर्याप्त पार्किङ रहेको स्पोर्टस भिल्लामा गाडी धुने सुविधा समेत उपलब्ध छ स्पोर्टस् भिल्लाले वार्षिक सदस्यता लिनेका लागि ४५ हजार तथा अन्यका लागि घण्टाको तीन सय रुपैयाँ शुल्क तय गरेको छ । स्कुल र कलेजका विद्यार्थीहरुका लागि भने छुट गरिने प्रबन्ध निर्देशक थापाले बताए स्पोर्टस् भिल्लामा टिनिस खेलका लागि आवश्यक सामाग्री पनि उपलब्ध छन् । खेलाडीहरुको माग अनुसार अन्य सुविधा क्रमशः थप गरिने प्रबन्ध निर्देशक थापाले बताए स्पोर्टस् भिल्लाको उद्घाटनका क्रममा टेनिसका प्रशिक्षक रामबहादुर तामाङलाई नगद १० हजार रुपैयाँसहित सम्मान गरिएको थियो प्रशिक्षक लामाले तीन वटा कोर्टसहितको स्पोर्टस् भिल्ला सञ्चालनमा आएसँगै कमजोर गुणस्तरका कोर्टमा पनि टेनिस खेल्न पालो पर्खनुपर्ने अवस्था न्युनिकरण गर्न ठूलो टेवा पुग्ने बताए उनले स्पोर्टस् भिल्लाबाट स्तरीय खेलाडी उत्पादनमा सहयोग पुग्ने विश्वास लिएको पनि बताए ।

प्रकाशित मिति: २०७४,कार्तिक,२५,शनिवार ०८:३२

प्रतिक्रिया दिनुहोस !
सम्बन्धित खबरहरु

काठमाडौं। पाकिस्तानका पूर्व कप्तान तथा अलराउन्डर शाहिद अफ्रिदीले काठमाडौं किङ्स-११ बाट एभरेष्ट प्रिमियर लिग (इपीएल) खेल्ने भएका छन्। सोमवार राजधानीमा

काठमाडौं । नेपाल खेलकुद महासंघ र राष्ट्रिय खेलकुद परिषदको संयुक्त पहलमा कोभिड-१९ विरुद्धको खोप अभियानअन्तर्गत दोश्रो पटक खोप कार्यक्रम सम्पन्न

काठमाडौं । नेपाली राष्ट्रिय फुटबल टिमका मुख्य प्रशिक्षक अब्दुल्लाह अलमुताइरीले राजीनामा गर्ने घोषण गरेसँगै नेपाली फुटबल जगतमा तरङ्ग फैलिएको छ

काठमाडौं। के हामी पत्याउन सक्छौं, १२ वर्षकी एक बालिका टोकियो ओलम्पिकमा सहभागी छिन् भनेर ? जुलाई २४, शनिवारको दिन १२

ताजा समाचार

माओवादी फेरी जाग्छ : नेता पौडेल
 २०७८,श्रावण,११,सोमवार २२:५१
छोराको कुटाइबाट बाबुको मृत्यु
 २०७८,श्रावण,११,सोमवार २२:३६
लघुवित्त संस्थालाई लाभांश वितरणमा कडाइ
 २०७८,श्रावण,११,सोमवार २२:०२
एमाले विभाजन हुँदैन : रघुवीर महासेठ
 २०७८,श्रावण,११,सोमवार २०:५२