४३ सयले घट्यो सुनको मूल्य, चाँदी पनि घट्यो 

काठमाडौं ।  नेपाली बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ४ हजार ३  सय रुपैयाँले घटेको हो । 

अघिल्लो दिन २ लाख ९९ हजारमा कारोबार भएको सुनको मूल्य आज प्रतितोला  ४३ सयले घटेर  २ लाख ९४ हजार  ७ सय रुपैयाँमा कारोबार भएको महासंघले जनाएको छ । 

त्यस्तै आज चाँदीको मूल्य पनि  घटेको छ । महासंघका अनुसार आज चाँदी प्रतितोला १५० रुपैयाँले घटेको हो । अघिल्लो दिन  ५ हजार २५ रुपैयाँमा कारोबार भएको चाँदी आज  प्रतितोला १५० रुपैयाँले घटेर  ४ हजार ८७५ रुपैयाँमा कारोबार भएको महासंघले जनाएको छ । 

गत मंगलबार छापावाल सुनको मूल्य प्रतितोला  दुई लाख ९१ हजार ८०० र त्यति नै परिमाणको सेतो धातुको मूल्य चार हजार ८२० कायम भएको थियो । 

अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन चार हजार ७१३ र त्यति नै परिमाणको चाँदी ७३ अमेरिकी डलरमा कारोबार भइरहेको छ ।