काठमाडौं । नेपाल आयल निगमले आन्तरिक र अन्तर्राष्ट्रिय हवाई उडानको इन्धनको मूल्य झन्डै दोब्बर बढाएको छ ।
निगमको मंगलबारको प्रेस विज्ञप्तिअनुसार, आन्तरिक उडानको हवाई इन्धन प्रतिलिटर १२७ रुपैयाँबाट बढाएर २५१ रुपैयाँ कायम गरिएको छ ।
अन्तर्राष्ट्रिय उडानतर्फ, काठमाडौंमा प्रति किलोलिटर इन्धनको मूल्य ९६६ अमेरिकी डलरबाट १,७८५ डलर पुगेको छ। पोखरामा ८०१ डलरबाट १,७३२ डलर र भैरहवामा ७८९ डलरबाट १,७१६ डलर पुर्याइएको छ ।
नयाँ मूल्य समायोजनले हवाई यात्राको भाडा र सञ्चालन खर्चमा असर पर्ने अनुमान गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया