जनकपुरधाम । प्रधानमन्त्री कप एकदिवसीय क्रिकेट प्रतियोगिताको खेल वर्षाकाे कारण रद्द भएका छन् ।
धनुषाको जनकपुरधाममा मधेस र कोसी प्रदेशबिच हुने खेल सुरु हुनुअघि रद्द भएको थियो भने वीरगन्जमा कर्णाली र लुम्बिनी प्रदेशबिचको खेल ७ ओभरमा रोकिएपछि वर्षा कारण रद्द गरिएको हो ।
दुवै खेल रद्द भएपछि चारै टिमले एक/एक अंक पाएका छन् । शुक्रबार परेको हावाहुरीसहितको वर्षाले जनकपुरधामस्थित निर्माणाधीन राम जानकी बहुउद्देश्यीय रंगशालामा पानी भरिएको थियो ।
शनिबार बिहान पानी हटाउने प्रयास भए पनि पुनः वर्षा भएपछि खेल हुन सकेन । उद्घाटन सत्र भने सञ्चालन गरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया