काठमाडौं । राष्ट्रिय स्वतन्त्र पार्टी (रास्वपा) को सचिवालय बैठक आज बस्ने भएको छ ।
बैठक बिहान १० बजे काठमाडौंको वनस्थलीस्थित पार्टी कार्यालयमा बस्ने बताइएको छ ।
बैठकमा प्रतिनिधिसभा सदस्य निर्वाचन २०८२ अन्तर्गत समानुपातिकतर्फका सांसद उम्मेदवार सिफारिस गर्ने विषयमा छलफल हुने छ ।
यस्तै, पार्टीका वरिष्ठ नेता बालेन शाह लाई संसदीय दलको नेता बनाउने विषयमा आवश्यक प्रक्रिया अघि बढाउनेबारे पनि बैठकमा छलफल हुने जनाइएको छ ।
समानुपातिकतर्फ प्राप्त मतका आधारमा रास्वपाले ५७ सिट पाउने देखिएको छ । प्रत्यक्षतर्फ १८२ सिट जितेसँगै प्रतिनिधिसभामा रास्वपाका कुल १८२ सांसद रहनेछन् ।
निर्वाचन आयोगले समानुपातिकतर्फका सांसदहरूको नामावली बुझाउन आजसम्मको समय दिएको छ ।
यसअघि शनिबार बस्ने भनिएको बैठक सभापति रवि लामिछाने अस्वस्थ भएपछि आजका लागि सारिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया