सुनसरीका चारै निर्वाचन क्षेत्रमा ६४ प्रतिशत मतदान

विराटनगर । सुनसरीका चार वटै प्रतिनिधिसभा निर्वाचन क्षेत्रमा करिब ६४ प्रतिशत मतदान भएको छ। जिल्लामा रहेका कुल ५ लाख ८० हजार ९४५ मतदातामध्ये ३ लाख ६९ हजार ६ सय जना मतदानमा सहभागी भएका छन् ।

जिल्ला निर्वाचन कार्यालयका अनुसार यो कुल मतदाताको करिब ६३ दशमलव ६ प्रतिशत हो ।

निर्वाचन क्षेत्र-१ मा १ लाख ५० हजार ३९३ मतदातामध्ये ८७ हजार ८६५ मत खसेको छ । त्यसै गरी निर्वाचन क्षेत्र-२ मा १ लाख ५८ हजार ९०१ मतदातामध्ये १ लाख १ हजार ४ मत खसेको छ।

त्यस्तै, निर्वाचन क्षेत्र-३ मा १ लाख ३४ हजार ३०२ मतदातामध्ये ९५ हजार १९५ मत खसेको छ भने निर्वाचन क्षेत्र-४ मा १ लाख ३७ हजार ३४० मतदातामध्ये ८५ हजार ५४६ मत खसेको जिल्ला निर्वाचन कार्यालयले जनाएको छ।

बिहीबार सम्पन्न प्रतिनिधिसभा सदस्य निर्वाचनमा सुनसरीका चारै क्षेत्रमा मतदाताको उत्साहजनक सहभागिता देखिएको जनाइएको छ।