काठमाडौं । नेपाल सरकारले हाल इजरायल र इरानमा यात्रा नगर्न नेपाली नागरिकहरूलाई आग्रह गरेको छ ।
परराष्ट्र मन्त्रालयले शनिबार एडभाइजरी जारी गर्दै दुवै देशको अवस्था सामान्य नहुँदासम्म नेपाली नागरिकलाई यात्रा स्थगित गर्न कडाइका साथ सुझाव दिएको हो ।
सूचनामा भनिएको छ, ‘इजरायल वा इरान जाने योजना बनाएका नेपालीहरूले अवस्था सामान्य नहुँदासम्म यात्रा स्थगित गर्नुहोस् ।’
मन्त्रालयले इजरायल र इरानमा बसोबास गर्ने नेपाली नागरिकहरूलाई घरभित्र बस्न, सतर्क रहन, आवश्यक सावधानी अपनाउन, र आफ्नो नेपाली समुदायसँग नियमित सम्पर्कमा रहन पनि अनुरोध गरेको छ ।
साथै, सम्बन्धित देशका निकायहरूको अनुमति बिना यात्रा नगर्न पनि सुझाइएको छ ।
परराष्ट्र मन्त्रालयले भनेको छ
नेपाल सरकारको परराष्ट्र मन्त्रालयले मध्यपूर्वमा विकसित परिस्थितिलाई नजिकबाट नियालिरहेको छ। यस सन्दर्भमा, हाल इजरायल र इरानमा बसोबास गरिरहेका नेपाली नागरिकहरूलाई निम्न सावधानी अपनाउन सल्लाह दिइन्छ :
१. इजरायल र इरानका सक्षम अधिकारीहरूद्वारा जारी गरिएका सुरक्षा सल्लाहकार र निर्देशनहरूको कडाईका साथ पालना गर्नुहोस् ।
२. सकेसम्म घर भित्रै बस्नुहोस्, सतर्क रहनुहोस्, उचित सावधानी अपनाउनुहोस्, र आ-आफ्नो स्थानहरूमा रहेका नेपाली समुदायसँग नियमित सम्पर्क कायम राख्नुहोस् ।
३. इजरायल र इरानका सम्बन्धित अधिकारीहरूको पूर्व अनुमति बिना यात्रा नगर्नुहोस् ।
४. तल दिइएको सम्पर्क विवरणमा काठमाडौंस्थित मन्त्रालय, तेल अभिभस्थित नेपाली दूतावास र दोहास्थित नेपाली दूतावाससँग नियमित सम्पर्क राख्नुहोस् ।
५. इजरायल वा इरानको यात्रा गर्ने योजनामा रहेका नेपाली नागरिकहरूलाई दुवै देशको अवस्था स्थिर नभएसम्म आफ्नो यात्रा योजना स्थगित गर्न कडा सल्लाह दिइन्छ ।
६. मध्यपूर्वी देशहरूमा बसोबास गर्ने र काम गर्ने नेपाली नागरिकहरूलाई सम्बन्धित देशका सक्षम अधिकारीहरूले सुझाव दिए अनुसार घटनाक्रमहरूको निरन्तर निगरानी गर्न र सावधानी अपनाउन सल्लाह दिइन्छ ।
यो खबर पढेर तपाईलाई कस्तो महसुस भयो ?
प्रतिक्रिया