काठमाडौं । नेकपा एमाले र प्रगतिशील लोकतान्त्रिक पार्टी (प्रलोपा)बिच चुनावी तालमेल भएको छ ।
एमाले उपाध्यक्ष रामबहादुर थापा ‘बादल’ र प्रगतिशील लोकतान्त्रिक पार्टीबाट अध्यक्ष दुर्गा सोवले उक्त सहमतिपत्रमा हस्ताक्षर गरेका हुन् ।
जसअनुसार प्रलोपा रुकुम पश्चिमका उम्मेदवार जनार्दन शर्मा र पूर्वी रुकुमका उम्मेदवार सन्दीप पुनको पक्षमा एमालेले मतदान गर्नेछ ।
त्यस्तै कर्णाली प्रदेशका हुम्ला र जुम्ला बाहेक जिल्ला र पुरानो राप्ती अञ्चलका जिल्लाहरुमा नेकपा एमालेका उम्मेदवारहरुका पक्षमा प्रलोपाले मतदान गर्नेछन् ।
दुवै पक्षले मतदानका लागि आ–आफ्ना पक्षलाई आवश्यक निर्देशन दिने समेत सहमति भएको छ ।
त्यसो त रुकुम पूर्वमा नेकपाका संयोजक पुष्पकमल दाहाल ‘प्रचण्ड’ आफैँ चुनावी मैदानमा उत्रिएका छन् । त्यहाँ एमालेले प्रलोपालाई साथ दिएको हो ।
यो खबर पढेर तपाईलाई कस्तो महसुस भयो ?
प्रतिक्रिया