काठमाडौं । तीन दिनदेखि बेपत्ता जिल्ला प्रहरी कार्यालय दाङमा कार्यरत एक जना प्रहरी जवान जंगलमा झुन्डिएको अवस्थामा मृत फेला परेका छन् ।
दाङको घोराही उपमहानगरपालिका–२ रामपुर निवासी प्रहरी जवान हरि जिसी घोराही उपमहानगरपालिका–१८ घरडौराको जंगलमा झुन्डिएको अवस्थामा मृत फेला परेका हुन् ।
माघ ८ गते बिहानको ड्युटी सकेर स्कुटी लिएर निस्केका जिसी त्यसपछि बेपत्ता भएका थिए । उनको स्कुटी बाटोमा भेटिएको थियो ।
राप्ती स्वास्थ्य विज्ञान प्रतिष्ठान घोराहीमा आईसीयूमा राखेर बुबाको उपचार भइरहँदा पनि बिदा नपाएपछि उनी तनावमा रहेको बताइएको छ ।
जिल्ला प्रहरी कार्यालय दाङका प्रमुख एसपी दीपक श्रेष्ठका अनुसार, शवको पोस्टमार्टम भइसकेको छ । मोबाइलको लक खुलेपछि मात्रै मृत्युको कारण खुल्ने उनको भनाइ छ ।
यो खबर पढेर तपाईलाई कस्तो महसुस भयो ?
प्रतिक्रिया