मतदातासँग अध्यक्ष ओलीको आग्रह : ‘धितो न जमानीको मान्छेलाई भोट दिएर मत खेर नफाल्नुस्’

झापा । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले मतदाताहरुलाई आफू नचिनेका, अनुभवहीन वा धितो न जमानीको मान्छेलाई मत नदिन आग्रह गरेका छन् ।

झापामा आयोजित कार्यक्रममा ओलीले २०६४ सालमा चिनेका उम्मेदवारलाई मत दिने निर्णयमा पछुतो भएको स्मरण गर्दै नयाँ उम्मेदवारलाई दिने मतले विकासमा पछाडि पारेको बताए । उनले महोत्तरीस्थित राष्ट्रिय स्वतन्त्र पार्टीका वरिष्ठ नेता बालेन्द्र साहको उदाहरण दिँदै भने, ‘मैले उहाँको घरअघिको सडक र पुल निर्माण गरिदिएको छु, तर यहाँ उहाँले के गर्नुभएको छ ?’

अध्यक्ष ओलीले मतदातालाई स्थानीय उम्मेदवारको पक्षमा मतदान गर्न आग्रह गर्दै भने, ‘हामी बहुमत ल्याउन, सांसद बन्न, मन्त्री वा प्रधानमन्त्री बन्न मात्र होइन, देश जोगाउन, शान्ति सुव्यवस्था कायम गर्न र संविधानलाई ट्रयाकमा ल्याउन संघर्ष गरिरहेका छौँ ।’

उनले सन् २०६४ पछि विकासमा ठुला प्रगति नहुँदा जनताको जीवनमा प्रभाव परेको स्मरण गर्दै, ‘न नयाँ उम्मेदवारको काम देखिन्छ, न जनताको आवश्यकतामा ध्यान दिएको छ। यसकारण हामीले पहिले जस्तै अनुभव र काम देखिएका उम्मेदवारलाई प्राथमिकता दिनुपर्छ,‘ उनले भने ।

साथै, उनले मतदातालाई सामाजिक सञ्जालमा फैलिएको भ्रमबाट मुक्त हुन र चिनेका, भरोसायोग्य उम्मेदवारलाई मत दिन पनि आग्रह गरे ।