सुनको भाउले नाघ्यो २ लाख ९५ हजार

काठमाडौं ।  नेपाली बजारमा सुनको मूल्यले नयाँ रेकर्ड बनाएको छ ।  नेपाल सुनचाँदी व्यवसायी महासंघका अनुसार आज छापावाल सुन प्रतितोला १० हजार ४ सय रुपैयाँले वृद्धि भएको हो । 

अघिल्लो दिन २ लाख ८४ हजार ७ सय रुपैयाँमा कारोबार भएको सुनको मूल्य आज १० हजार ४ सय रुपैयाँले बढेर २ लाख  ९५ हजार १ सय रुपैयाँमा कारोबार भएको महासंघले जनाएको छ । यो मूल्य हाल सम्मको नै  उच्च मूल्य हो । 

त्यस्तै आज चाँदीको मूल्य पनि बढेको छ । महासंघका अनुसार आज चाँदी ४० रुपैयाँले वृद्धि भएको हो ।  अघिल्लो दिन ५ हजार ८ सय ८० रुपैयाँमा कारोबार भएको चाँदी आज ४० रुपैयाँले बढेर ५ हजार  ९ सय २० रुपैयाँमा कारोबार भइरहेको छ ।