काठमाडौं । फागुन २१ गते हुने प्रतिनिधिसभा सदस्य निर्वाचनका लागि मंगलबार देशभर मनोनयन दर्ता सम्पन्न भएको छ ।
निर्वाचन आयोगका अनुसार प्रतिनिधिसभाको प्रत्यक्षतर्फका १६५ सिटका लागि ६८ राजनीतिक दल र १ हजार १८७ स्वतन्त्र उम्मेदवारसहित कुल ३ हजार ४८४ जनाले मनोनयन दर्ता गराएका छन् ।
आयोगको प्रारम्भिक विवरणअनुसार मनोनयन दर्ता गराउनेमध्ये ३९५ जना महिला उम्मेदवार छन् । तीमध्ये २३५ जना राजनीतिक दलबाट र १६० जना स्वतन्त्र उम्मेदवार रहेका छन् ।
कुल उम्मेदवारमध्ये ३ हजार ८८ जना पुरुष र एक जना अन्य लिङ्गका उम्मेदवार रहेको आयोगले जनाएको छ ।
राजनीतिक दलको तर्फबाट मात्रै २ हजार २९७ जनाले उम्मेदवारी दर्ता गराएका छन् ।
यो खबर पढेर तपाईलाई कस्तो महसुस भयो ?
प्रतिक्रिया