कांग्रेस नेता केसीद्वारा चुनाव नलड्ने घोषणा, चारतारे झन्डा र रूख चिह्न भएका उम्मेदवारलाई सहयोग गर्ने 

काठमाडौं । नेपाली कांग्रेसका नेता एवं पूर्वमन्त्री बलबहादुर केसीले आगामी फागुन २१ गते हुने प्रतिनिधिसभा निर्वाचनमा उम्मेदवार नहुने घोषणा गरेका छन् । कांग्रेस नेता शेखर कोइरालानिकट केसीले आफू कांग्रेसको एक इमानदार कार्यकर्ता भएको भन्दै चारतारे झन्डा र रूख चिह्न भएका उम्मेदवारलाई सहयोग गर्ने प्रतिबद्धता पनि जनाएका छन् । 

नेता केसीलाई कांग्रेस सोलुखुम्बु जिल्ला कार्यसमितिले एक नम्बरमा रहने गरी उम्मेदवार सिफारिस गरेको थियो । तर उनले आफै यसपटक चुनाव नलड्ने घोषणा गरेका हुन् । 

२०७९ सालको निर्वाचनमै आफूले अर्को निर्वाचन नलड्न पनि सक्छु भनेको स्मरण गर्दै केसीले भनेका छन्, ‘फागुन २१ गतेको निर्वाचनमा मैले आफू उम्मेदवार नहुने निर्णय गरेको छु ।’