काठमाडौं । नेपाली कांग्रेसका महामन्त्री गगनकुमार थापाले आफूहरूले आयोजना गरेको विशेष महाधिवेशन वैधानिक भएको दाबी गरेका छन् ।
भृकुटीमण्डपमा जारी पार्टीको विशेष महाधिवेशनमा समसामयिक राजनीतिक प्रस्ताव पेस गर्दै उनले संविधान, कानुन र निर्वाचन आयोगले समेत आफूहरूले आयोजना गरेको विशेष महाधिवेशनलाई अवैधानिक भन्न नसक्ने जिकिर गरे ।
महामन्त्री थापाले विशेष महाधिवेशनको वैधानिकतामाथि कानुन प्रश्न उठाउने आँट कसैले गर्न नसक्ने समेत बताए ।
उनले भने, ‘यो विशेष महाधिवेशन वैधानिक छ कि छैन ? यसको वैधानिक प्रावधान के छ ? हाम्रो संविधानले के भन्छ ? संविधानले विरलै मात्र यस्तो संविधान छ, जुन संविधानमा राजनीतिक दलसम्बन्धी व्यवस्था गरिएको छ । त्योमध्येको एउटा संविधान भनेको हाम्रो संविधान पनि हो । त्यसैले संविधानभन्दा माथि केही पनि छैन । त्यो संविधानको व्यवस्था के छ, राजनीतिक दलसम्बन्धी ऐनमा के व्यवस्था छ ? हाम्रो विधान निर्वाचन आयोगबाट प्रमाणित विधान हो । आज यो विषयमा कसैले कानुनी प्रश्न उठायो भने नेपालको संविधानको आधारमा, नेपालको नेपालको निर्वाचन आयोगले १, २, ३ हाम्रो विशेष अधिवेशनलाई अवैधानिक भन्न सक्दै सक्दैन । ढुक्क भएर बस्नुस् सक्दैन ।’
महामन्त्री थापाले आफूहरूले काँग्रेसलाई जागृत गराउन पनि सो महाधिवेशन आयोजना गर्नु परेको बताए ।
यो खबर पढेर तपाईलाई कस्तो महसुस भयो ?
प्रतिक्रिया