सुनचाँदीको मूल्यमा नयाँ ऐतिहासिक रेकर्ड, प्रतितोला कति पुग्यो ?

काठमाडौं । साताको दोस्रो कारोबारका दिन सुनको मूल्यले नयाँ कीर्तिमान बनाएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला  ४ हजार १ सय रुपैयाँले बढेको हो । 

अघिल्लो दिन २ लाख ७० हजार ६ सय रुपैयाँमा कारोबार भएको सुनकोे मूल्य आज ४ हजार १ सय रुपैयाँले बढेर २ लाख ७४ हजार ७ सय रुपैयाँमा कारोबार भएको महासंघले जनाएको छ । यो मूल्य हाल सम्मको उच्च हो ।

त्यस्तै आज चाँदीको मूल्यले पनि नयाँ कीर्तिमान बनाएको छ । अघिल्लो दिन ४ हजार ९ सय ९० रुपैयाँमा कारोबार भएको चाँदी आज २ सय ५ रुपैयाँले बढेर ५ हजार १ सय ९५  रुपैयाँमा कारोबार भएको महासंघले जनाएको छ ।