जनकपुरधाम । धनुषामा जग्गा अतिक्रमणको विषयलाई लिएर झडप हुँदा दर्जनौँ घाइते भएका छन् ।
मिथिला नगरपालिका–२ स्थित सुकजोरस्थित सन्त रामपाल आश्रमअगाडि झडप भएको हो ।
प्रहरीका अनुसार झडपमा घाइते हुने अधिकांश व्यक्ति स्थानीय वासी रहेका छन् ।
स्थानीयवासीले सतलोक आश्रमले ऐलानी जग्गा हडपेर आश्रम निर्माण गरेको आरोप लगाउँदै नापजोख गरी जग्गा खाली गर्नुपर्ने माग गर्दै आएका थिए ।
झडपमा केही व्यक्तिको टाउको फुटेको, केहीको हात र खुट्टा चोट लागेको प्रहरीले जनाएको छ । घटनापछि स्थानीयहरूले जनकपुर ढल्के सडक अवरुद्ध गरेका छन् भने सखुबा–महेन्द्रनगरस्थित औरही पुलमा एक एम्बुलेन्समा तोडफोडसमेत गरेका छन् ।
प्रहरी घटनास्थलमा पुगेको भए पनि स्थिति अहिलेसम्म पूर्णरूपमा नियन्त्रणमा आएको छैन ।
घाइतेहरूलाई जानकी मेडिकल कलेज र प्रादेशिक अस्पताल जनकपुर पठाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया