काठमाडौं । कारागारबाट फरार प्रतिवादी मोटरसाइकल चोरी गरेको आरोपमा पुनः पक्राउ परेका छन् ।
पक्राउ पर्नेमा काठमाडौं महानगरपालिका–१८ नरदेवीका २० वर्षीय रोहित खड्गी शाही र जुम्ला घर भइ हाल काठमाडौंँको तारकेश्वर बस्ने हरिशंकर शर्मा रहेका छन् ।
जिल्ला प्रहरी परिसरको टोलीले उनीहरुलाई काठमाडौंको तारकेश्वर नगरपालिका ११ डाँडागाउँ हिलेटोलबाट पक्राउ गरेको हो ।
सुन्धारास्थित जगन्नाथदेवल कारागारबाट फरार रहेका शाहीले मोटरसाइकल चोरी गरी शर्मा बस्दै आएको घरमा लुकाएका थिए ।
त्यहाँबाट प्रहरीले बसुन्धराबाट चोरी भएको लु. २८ प ३९७५ नम्बरको रातो रंगको एफजेड मोटरसाइकल र भक्तपुरबाट चोरी भएको केटीएम ड्यूक मोटरसाइकल समेत बरामद गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया