देश निर्वाचनतिर प्रवेश गरिसक्यो अब सर्वपक्षीय सरकारको सम्भावना छैन : प्रचण्ड

काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले देश अब निर्वाचनतिर प्रवेश गरिसकेको बताएका छन् । सङ्खुवासभामा आयोजित पत्रकार भेटघाटमा उनले  यस्तो बताएका हुन् । 

उनले अब सर्वपक्षीय वा सर्वदलीय सरकार बन्ने सम्भावना नभएको बताए ।

प्रचण्डले भने, ‘सबै राजनीतिक दल निर्वाचनमा लागिसकेका छन् । हिजोसम्म संसद् पुनर्स्थापना माग गर्ने दलहरू पनि अहिले निर्वाचनतिर सरेका छन् । जेनजीका केही समूहहरूले आफ्ना माग राख्दै आएका थिए, तर नीति र अभ्यासले देखाएको छ कि अहिले निर्वाचन नै विकल्प हो ।’

उनले सबै दलहरूले समानुपातिक बन्द सूची बुझाइसकेकाले यही सरकारले फागुन २१ मा निर्वाचन गराउने दाबी पनि गरे ।