काठमाडौं । लक्ष्मी सनराइज बैंक लिमिटेडको २५औँ वार्षिक साधारणसभा काठमाडौंमा सम्पन्न भयो ।
सोमबार भएको साधारण सभाले बैंकको चुक्ता पुँजीको १० प्रतिशत बोनस शेयर वितरण गर्ने प्रस्ताव पारित गरेको बैंकले जनाएको छ । पारित बोनस शेयरसँगै बैंकको चुक्ता पुँजी २६ अर्ब ७८ करोड पुगेको छ ।
साधारण सभाले आर्थिक वर्ष २०८१/८२ का लागि संचालक समितिको प्रतिवेदन तथा सोही आर्थिक वर्षको बैंकको वित्तीय विवरण उपर छलफल गरी स्वीकृत गरेको छ । साथै आर्थिक वर्ष २०८२/८३ का लागि लेखापरिक्षकको नियुक्ति समेत गरेको छ ।
आ.व. २०८१/८२ मा ३७१ अर्ब निक्षेप र २८७ अर्ब कर्जा पुर्याएको यस बैंकको वासलातको आकार ४४३ अर्ब रहेको छ । सो आ.व.मा बैंकले ४ अर्ब ६ करोड रुपैंया खुद मुनाफा आर्जन गर्न सफल भएको बैंकको दाबी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया