काठमाडौं । सर्वोच्च अदालतले जेनजी प्रतिनिधि र सरकारबिच भएको सम्झौताबारे कारण देखाउ आदेश जारी गरेको छ ।
शुक्रबार सर्वोच्चका न्यायाधीश टेकप्रसाद ढुङ्गानाको एकल इजलासले सो आदेश दिएको हो ।
मंसिर २४ गते सरकार र जेनजी प्रतिनिधिबिच विभिन्न सर्तसहित सम्झौता भएको थियो । उक्त सम्झौता संविधान विपरित र असंवैधानिक रहेको भन्दै डा. प्रेमराज सिलवालले प्रधानमन्त्री तथा मन्त्रिपरिषद्को कार्यालयलाई विपक्षी बनाइ बिहीबार रिट दायर गरेका थिए ।
सो रिटमाथि प्रारम्भिक सुनुवाई गर्दै कारण देखाउ आदेशसहित अन्तरिम आदेशका लागि छलफलमा बोलाइएको हो ।
‘उल्लिखित सर्वोच्च अदालतमा आज माननीय न्यायाधीश टेकप्रसाद ढुंगानाको इजलासले प्रत्यर्थी प्रधानमन्त्री सुशीला कार्की सरकारको नाममा कारण देखाउ आदेश र अन्तरिम आदेशको छलफलमा बोलाउने आदेश गरेको छ,’ रिट निवेदक सिलवालले भनेका छन् ।
यो खबर पढेर तपाईलाई कस्तो महसुस भयो ?
प्रतिक्रिया