काठमाडौं । भारतको गोवास्थित एक नाइट क्लबमा भएको आगलागीमा परी मृत्यु भएका २५ जनामध्ये चार जना नेपाली रहेको खुलेको छ ।
भारतीय पत्रिका हिन्दुस्तान टाइम्सले सोमबार सार्वजनिक गरेको मृतकको सूचीमा चार जना नेपाली नागरिकको पनि नाम उल्लेख छ । ज्यान गुमाउने नेपालीमा चुर्णबहादुर पुन, विवेक कटवाल, सबिन र सुदीप छन् । उनीहरूको थप विवरण भने सार्वजनिक गरिएको छैन ।
परराष्ट्र मन्त्रालयका सहसचिव एवं प्रवक्ता लोकबहादुर पौडेल क्षेत्रीले पनि नेपाली नागरिक परेको पुष्टि गरेका छन् ।
‘चार जना नेपाली नागरिक परेको दुःखद खबर प्राप्त गरेका छौं । संवेदनशील अवस्थामा नयाँ दिल्लीस्थित दूतावासले स्थानीय प्रशासन तथा अधिकारीहरूसँग नजिकसँग काम गरिरहेको छ,’ उनले भने । उनले मृतकको थप विवरण लिने काम भइरहेको र आफूहरूले समन्वय गरिरहेको पनि बताए ।
मध्यराति भएको सो घटनामा ६ जना पनि घाइते भएका छन् ।
शक्तिशाली विस्फोटका कारण आगो केही मिनेटमै क्लबभरि फैलिएको थियो । लामो प्रयासपछि दमकलले आगो नियन्त्रणमा ल्याउन सफल भएको थियो ।
प्रारम्भिक अनुसन्धानले क्लबमा अग्निसुरक्षा नियम पालना नगरिएको देखाएको छ । घटना सम्बन्धी प्रारम्भिक अनुसन्धानले क्लबले आवश्यक सुरक्षा मापदण्ड पालना नगरेको र अवैध रूपमा सञ्चालन भइरहेको पाइएको छ ।
गोवा प्रहरीले नाइट क्लबका महाप्रबन्धक र कर्मचारीसहित चार जनालाई पक्राउ गरेको छ । मालिक सौरभ लुथरा र गौरव लुथराविरुद्ध मुद्दा दर्ता गरिएको छ । नियमविपरीत नाइट क्बल सन्चालन अनुमति दिएको आरोपमा गोवा सरकारका तीन वरिष्ठ अधिकारी पनि निलम्बनमा परेका छन् ।
गोवाका मुख्यमन्त्री प्रमोद सावन्तले मृतकका परिवारलाई पाँच लाख रुपैयाँ र घाइतेलाई ५० हजार रुपैयाँ राहत दिने घोषणा गरेका छन् । साथै, अनुमति बिना सञ्चालन भइरहेका क्लब तथा भीडभाड हुने स्थानको अडिट गर्ने जनाएका छन् ।
फोरेन्सिक (एफएसएल) टोलीले आगलागीको कारण अनुसन्धान गरिरहेको छ ।
गोवा आगलागीमा मृत्यु भएका व्यक्तिहरूको सूची
- चुर्ण बहादुर पुन — नेपाल
- विवेक कटवाल — नेपाल
- सबिन — नेपाल
- सुदीप — नेपाल
- मोहित— झारखण्ड
- प्रदीप महतो— झारखण्ड
- बिनोद महतो— झारखण्ड
- सतीश सिंह — उत्तराखण्ड
- सुरेन्द्र सिंह — उत्तराखण्ड
- जितेन्द्र सिंह — उत्तराखण्ड
- सुमित नेगी — उत्तराखण्ड
- मनिश सिंह — उत्तराखण्ड
- दिगम्बर पटिर — असम
- राहुल तन्ती— असम
- मनोजित माल — असम
- सुनील कुमार — उत्तर प्रदेश
- रोहन सिंह — उत्तर प्रदेश
- डोमिनिक — महाराष्ट्र
- मनोज जोरा — महाराष्ट्र
- इसहाक — कर्नाटक
- सुभास क्षेत्री— दार्जिलिङ, पश्चिम बंगाल
- सरोज जोशी — दिल्ली
- विनोद कुमार — दिल्ली
- अनिता जोशी — दिल्ली
- कमला जोशी — दिल्ली
यो खबर पढेर तपाईलाई कस्तो महसुस भयो ?
प्रतिक्रिया