काठमाडौं । नेपाल प्रहरीका सहायक निरीक्षक (असई) पुष्कर कार्कीले आफ्नै चार महिने बिरामी छोराको हत्या गरेका छन् ।
असई कार्कीले आइतबार दिउँसो सिनामंगलस्थित आफ्नो डेरा कोठामा घाँटी थिचेर काखे छोराको हत्या गरेका हुन् । उनका छोरा ब्रेन ट्युमरबाट पीडित थिए ।
छोराको उपचारका क्रममा श्रीमती कृष्णा कुँवरसँग विवाद बढेपछि कार्कीले छोराको हत्या गरेको प्रहरीले बताएको छ ।
उनले श्रीमती कृष्णालाई पनि कुटपिट गरेर घाइते बनाएका थिए । अहिले कृष्णालाई उपचारका लागि महाराजञ्जस्थित नेपाल प्रहरी अस्पतालमा भर्ना गरिएको छ ।
असई कार्कीकी श्रीमती कृष्णा पनि प्रहरी जवान हुन् । दुवै जना काठमाडौंस्थित विमानस्थलमा कार्यरत छन् ।
छोराको हत्यापछि फरार रहेका असई कार्कीलाई नागढुंगाबाट पक्राउ गरिएको जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले बताए । उनलाई परिसरको हिरासतमा राखेर अनुसन्धान सुरु गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया