मधेशमा नयाँ सरकार गठनका लागि आज दाबी पेस गरिँदै

काठमाडौं। मधेश प्रदेशका राजनीतिक दलहरूले आज नयाँ सरकारको नेतृत्वमा दाबी पेस गर्ने तयारी गरेका छन्। प्रदेश प्रमुख सुरेन्द्र लाभले साँझ ५ बजेसम्म दाबी पेस गर्ने समय तोकेपछि दलहरू सक्रिय भएका हुन्।

एमालेबाहेकका सात दलको गठबन्धनले लामो छलफलपछि सहमति नजिक पुगेको हुन् ।  गठबन्धनमा नेपाली कांग्रेस, माओवादी, जसपा नेपाल, जनमत, लोसपा, नेकपा एस र नाउपा रहेका छन् ।

गठबन्धनले मुख्यमन्त्रीका लागि लोसपाका जितेन्द्र सोनल र कांग्रेस संसदीय दलका नेता कृष्णप्रसाद यादवलाई दाबेदार बनाएको छ । मधेश प्रदेशमा कुल १०७ सांसद छन् र बहुमतका लागि ५४ सांसद आवश्यक पर्छ। गठबन्धनसँग ७३ जना सांसद रहेका छन् ।

एमालेका सभामुख रामचन्द्र मण्डल पदमुक्त भएसँगै सभामुखको पद पनि खाली छ । यसअघि सरोजकुमार यादवले विश्वासको मत पाउने सम्भावना नदेखिँदा मुख्यमन्त्रीबाट राजीनामा दिएका थिए ।