तमिलनाडुमा चक्रवात डिट्वाह : वर्षाले तीनको मृत्यु, हजारौँ विस्थापित

काठमाडौं । भारतको दक्षिणी राज्य तमिलनाडुमा चक्रवात डिट्वाहका कारण आएको भारी वर्षासँग सम्बन्धित घटनामा कम्तीमा तीन जनाको मृत्यु भएको छ ।

यस वर्षाले करिब १५० गाईबस्तु मारिएको छ भने २०० भन्दा बढी घर र झुपडीहरूमा क्षति पुगेको छ । वर्षाले ५६ हजार हेक्टर खेतीयोग्य जमिन डुबानमा परेको छ ।

स्थानीय अधिकारीहरूको अनुसार, भारी वर्षाको सम्भावित असर भएका जिल्लाहरूमा ३८ वटा राहत शिविर स्थापना गरिएको छ । यसैबीच, राज्य विपद् प्रतिक्रिया बल र राष्ट्रिय विपद् प्रतिक्रिया बलका २८ टोलीहरू राहत कार्यमा खटाइएको छ ।

चक्रवात डिट्वा गत शुक्रबार श्रीलंकामा फैलिएको थियो । त्यहाँ पनि मुसलधारे वर्षाले पहिरो र बाढी निम्त्याएको थियो । मृतकको संख्या २ सय १२ पुगेको छ भने २ सय १८ जना अझै बेपत्ता छन् ।