पूर्वएआईजी विश्वराज पोखरेल आज रास्वपा प्रवेश गर्दै 

काठमाडौं । नेपाल प्रहरीका पूर्वएआईजी विश्वराज पोखरेल आज (शुक्रबार) राष्ट्रिय स्वतन्त्र पार्टी (रास्वपा) प्रवेश गर्ने भएका छन् । वनस्थलीस्थित पार्टी कार्यालयमा हुने कार्यक्रममा उनी रास्वपामा प्रवेश गर्न लागेका हुन् ।

रास्वपाले उनलाई अनुशासन आयोगमा जिम्मेवारी दिने भएको छ । 

पूर्वएआईजी पोखरेललाई भावी आईजीपीको रूपमा समेत हेरिएको थियो । तर तत्कालीन शेरबहादुर देउवा नेतृत्वको सरकारले एआईजीमा उनीभन्दा १६ महिना जुनियर धिरजप्रताप सिंहलाई आईजीपी बनाएपछि उनी एआईजीबाटै अवकाशमा गएका थिए । 

बिचौलिया समूहले आईजीपी बन्ने भए ७ करोड रुपैयाँको प्रस्ताव गरेको तर आफूले अस्वीकार गरेको अभिव्यक्ति उनले केही समयअघि दिएका थिए ।