काठमाडौं । अशोक राई नेतृत्वको जनता समाजवादी पार्टी (जसपा) को मधेस प्रदेश समितिका अध्यक्ष अशोककुमार यादवले पार्टी छाडेका छन् । नवगठित नेपाली कम्युनिस्ट पार्टीमा प्रवेश गर्नको लागि उनले जसपा छाडेको जनाइएको छ ।
यादवले आज बिहीबार विज्ञप्ति जारी गर्दै आफूले जसपाको मधेस प्रदेश समिति अध्यक्ष र पार्टीको साधारण सदस्यसमेतबाट राजीनामा दिएको बताएका छन् ।
मधेस केन्द्रित दलहरूबाट अब मधेसको विकास र अधिकार रक्षा नहुने निष्कर्षसहित पार्टी छाडेको घोषणा गरेका छन् ।
केही महिनायता राष्ट्रियताविरुद्ध अभिव्यक्ति दिएपछि विवादमा तानिएका यादव सर्लाहीका एसपीलाई धम्क्याएको आरोपमा गत भदौमा पक्राउ परेका थिए ।
यो खबर पढेर तपाईलाई कस्तो महसुस भयो ?
प्रतिक्रिया