सुर्खेतको काँक्रेविहार जंगलमा मृत भेटिएका युवायुवती जुम्ला र सुर्खेतका

सुर्खेत । सुर्खेतको काँक्रेविहार जंगलमा मृत भेटिएका युवायुवतीको पहिचान खुलेको छ । 

मृतक युवक जुम्लाको कनका सुन्दरी गाउँपालिका–७ का १८ वर्षीय नरेश खत्री र युवती वीरेन्द्रनगर–१०, खजुराकी १६ वर्षीया दीपिका चौधरी रहेको खुलेको छ । उनीहरूलाई आज बिहान साढे ११ बजे जंगलमा घाँस काट्न गएका स्थानीयले झुन्डिएको अवस्थामा फेला पारेका थिए । 

उनीहरूलाई युवतीका काका राजु चौधरी र युवककी फुपू गीता खत्रीले घटनास्थलमै गएर सनाखत गरेका थिए । घटनाबारे थप अनुसन्धान भइरहेको सुर्खेत प्रहरीले जनाएको छ ।