काठमाडौं । अमेरिकी राष्ट्रपति डोनाल्ड ट्रम्पले साउदी अरेबियालाई अत्याधुनिक एफ–३५एस लडाकु जेट बिक्री गर्ने योजना बनाएको बताएका छन् । साउदी युवराज मोहम्मद बिन सलमानको ह्वाइट हाउस भ्रमणको एक दिनपछि ट्रम्पले यस्तो योजना सार्वजनिक गरेका हुन् ।
हाल मध्यपूर्वमा इजरायल मात्र एफ-३५एस जेट भएको देश हो । विश्वका अत्याधुनिक लडाकु जेटमध्ये एक मानिने यस विमानको मूल्य प्रतिएकाइ करिब १० करोड अमेरिकी डलर पर्ने बताइन्छ ।
सिएनएनका अनुसार अमेरिकी कंग्रेसले साउदीलाई एफ-३५एस निर्यातका इजाजतपत्र रोक्न सक्ने सम्भावना भए पनि यस्तो कदम असामान्य मानिन्छ ।
यो खबर पढेर तपाईलाई कस्तो महसुस भयो ?
प्रतिक्रिया