तोलामा ३८ सयले घट्यो सुनको मूल्य, चाँदीको कति ?

काठमाडौं । नेपाली बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ३ हजार ८ सय रुपैयाँले घटेको हो । 

अघिल्लो दिन २ लाख ४३ हजार ३ सय रुपैयाँमा कारोबार भएको  सुनको मूल्य आज २ लाख ३९ हजार ५ सय रुपैयाँमा कारोबार भएको महासंघले जनाएको छ । 

त्यस्तै चाँदीको भाउ पनि तोलामा ६५ रुपैयाँ घटेको छ । अघिल्लो दिन प्रतितोला ३१५५ रुपैयाँमा कारोबार भएको चाँदी आज ३०९० रुपैयाँमा कायम भएको छ । यसअघि असोज ३१ गते चाँदीको भाउ प्रतितोला ३३५० रुपैयाँ पुगेको रेकर्ड छ ।