काश्मिरको प्रहरी चौकीमा विस्फोट : ९ जनाको मृत्यु

काठमाडौं । भारत नियन्त्रित काश्मिरमा एक प्रहरी चौकीमा बरामद विस्फोटक पदार्थको थुप्रो विस्फोट हुँदा नौ जनाको मृत्यु भएको छ ।

त्यसैगरी सो विस्फोटमा परी अन्य ३२ जना घाइते भएको प्रहरीले जनाएको छ ।

भारत नियन्त्रित काश्मीरको राजधानी श्रीनगरको नौगाम प्रहरी चौकीमा शुक्रबार राति भएको ठूलो विस्फोटमा नौ जनाको मृत्यु भएको हो । विस्फोटको प्रकृति आकस्मिक भएको र फोरेन्सिक परीक्षणको लागि जफत गरिएका विस्फोटक पदार्थहरू ह्यान्डल गर्ने क्रममा भएको बताइएको छ ।

प्रहरीकाअनुसार प्रहरी चौकी परिसरमा राखिएका विस्फोटकहरू हालै फरीदाबाद (हरियाणा) बाट बरामद गरिएको थियो ।