काठमाडौं । गृह मन्त्री ओमप्रकाश अर्यालले केन्द्रीय सुरक्षा समितिको बैठक आह्वान गरेका छन् । बैठक दिउँसो ३ बजे गृह मन्त्रालयमा बस्नेछ ।
मुलुकभरको शान्ति–सुरक्षा व्यवस्थासम्बन्धी चासोहरूका बारेमा उच्चस्तरीय छलफल गर्न बैठक आह्वान गरेका हुन् ।
बैठकमा गृह सचिव, नेपाली सेनाका एक रथी, नेपाल प्रहरीका महानिरीक्षक, सशस्त्र प्रहरीका महानिरीक्षक, राष्ट्रिय अनुसन्धान विभागका प्रमुख तथा मन्त्रालयको शान्ति–सुरक्षा महाशाखाका प्रमुखलगायत शीर्ष अधिकारीहरू सहभागी हुनेछन् ।
बैठकबाट पछिल्लो सुरक्षा स्थितिको समीक्षा गर्दै आवश्यक निर्णय तथा निर्देशन आउने अपेक्षा गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया