जबरजस्ती करणी गरेको अभियोगमा एक जना पक्राउ

इलाम। ३० वर्षीया महिलालाई जबरजस्ती करणी गरेको अभियोगमा  एक जनालाई प्रहरीले पक्राउ गरेको छ । 

 पक्राउ पर्नेमा इलाम नगरपालिका–५ ओर्खे मन्दिरडाँडा बस्ने २७ वर्षीय मनोज बुढाथोकी रहेका छन् । 

मनोजले ती महिलालाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय इलामबाट खटिएको प्रहरीले उनलाई मंगलबार साँझ पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको जनाएको छ ।