नारायणघाट-बुटवल सडकखण्ड २ महिनासम्म एकतर्फी सञ्चालन हुने

लोकपथ

२०८२,कार्तिक,१७,सोमवार १४:५८

707

काठमाडौं । निमर्णाधीन अवस्थामा रहेको नारायणघाट-बुटवल सडकको दाउन्ने खण्डमा अबको दुई महिनासम्म सडक एकतर्फी सञ्चालन हुने भएको छ ।

सडक विभाग अन्तर्गतको आयोजना निर्देशनालयले आज (सोमबार) सूचना जारी गर्दै उक्त खण्डमा अबको दुई महिनासम्म एकतर्फी सञ्चालनमा रहेको जनाकारी दिएको हो ।

विगत केही दिनयता भएको वर्षातको कारण निर्माणाधीन नारायणघाट–बुटवल सडक खण्डको दाउन्ने क्षेत्रमा सडक सतह चिप्लो भई यातायात आवागमनमा कठिनाइ उत्पन्न भइरहेका पनि जनाएको छ।

आगामी दिनहरूमा पुनस् वर्षा भएमा हाल कलभर्टहरू निर्माणाधीन भई एकतर्फी सडक सञ्चालन भइरहेको स्थानमा सवारी साधन सञ्चालनमा थप कठिनाइ हुने सम्भावना देखिएको भन्दै निर्देशनालयले कल्भर्टहरूको निर्माण कार्य सम्पन्न नहुन्जेल अबको करिब दुई महिना (२०८२ पौष १५ सम्म) यो सडक खण्डमा यात्रा गर्नुअघि सडकको अवस्थाबारे सही तथा अद्यावधिक जानकारी लिन पनि यात्रुहरुलाई अनुरोध छ।

साथै यस सडक खण्डमा यातायात सञ्चालनमा कुनै अवरोध उत्पन्न भएको अवस्थामा वैकल्पिक सडकहरूको प्रयोग गर्न सकिने भन्दै निर्देशनालयले वैकल्पिक सडकको विषयमा पनि जानकारी दिएको छ।