काठमाडौं । नेपाल प्रहरीका वरिष्ठ प्रहरी उपरीक्षक (एसएसपी) प्रकाश रानाभाटले राजीनामा दिएका छन् ।
सुदूरपश्चिम प्रदेश कार्यालयमा कार्यरत रानाभाटले आजै प्रहरी प्रधान कार्यालय नक्सालमा राजीनामा बुझाएका हुन् ।
उनले पारिवारिका कामका लागि राजीनामा दिएको खुलाएका छन् । तर उनको राजीनामा भने स्वीकृत भइसकेको छैन ।
उनको राजीनामा प्रहरी प्रमुख (आईजीपी) ले स्वीकृत गरेर गृहमन्त्रालयमा पठाएपछि मात्रै सदर भएको मानिनेछ ।
उनी ६ महिनाअघि मात्रै एसपीबाट एसएसपी बनेका थिए । त्यसो त उनका कतिपय ब्याजीहरु एसएसपी बन्दा कतिपय भने हाल पनि एसपी नै रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया