आज पनि घट्यो सुनको मूल्य, कतिमा हुँदैछ कारोबार ?

काठमाडौं । नेपाली बजारमा बुधबार सुनको मूल्य घटेको छ भने चाँदीको मूल्य बढेको छ ।

मंगलबार तोलाको २ लाख ३७ हजार रुपैयाँमा कारोबार भएको सुन बुधबार ७०० रुपैयाँले घटेर तोलामा २ लाख ३६ हजार ३०० रुपैयाँमा पुगेको छ ।

तिहारपछि लगातार सुनको मूल्य ओरालो लागेको छ ।

त्यस्तै, चाँदीको मूल्य भने बढेको छ । मंगलबार तोलाको २ हजार ९२० रुपैयाँमा रहेको चाँदी बुधबार बढेर तोलामा २ हजार ९६५ रुपैयाँ पुगेको छ ।