पुटिनसँगको वार्ता स्थगित भएपछि ट्रम्पले भने- निरर्थक बैठक जरुरी छैन

काठमाडौं। अमेरिकी राष्ट्रपति डोनाल्ड ट्रम्पले युक्रेन युद्धबारे प्रत्यक्ष वार्ता गर्ने प्रस्तावित भेट स्थगित भएपछि आफूले ‘निरर्थक बैठक’ गर्न नचाहेको बताएका छन् ।

ट्रम्पले मंगलबार ह्वाइट हाउसमा पत्रकारसँग भने, ‘हामीले बैठक गर्नैपर्छ भन्ने होइन। म चाहन्नँ कि त्यो बैठक निरर्थक बनोस् ।’

अमेरिकी अधिकारीहरूले ट्रम्प–पुटिनबीच तत्काल कुनै बैठकको योजना नरहेको जानकारी दिएका थिए । गत अगस्टमा अलास्कामा भएको शिखर वार्ताले कुनै ठोस परिणाम नदिएको र त्यसको पुनरावृत्ति नहोस् भन्ने उद्देश्यले दोस्रो बैठक स्थगित भएको बुझिएको छ ।

ट्रम्पले हङ्गेरीको बुडापेस्टमा सम्मेलन गर्ने प्रस्तावबारे पुटिनसँग टेलिफोनमा छलफल गरेका थिए, त्यसपछि जेलिन्स्कीसँग भेट गरेका थिए । यद्यपि युक्रेनले डोनबास क्षेत्र छोड्ने अडान नछोड्ने बताएको छ ।

रुसले अग्रपंक्तिमा अस्थायी युद्धविराम स्वीकार गरेको छैन र युक्रेनको निरस्त्रीकरण तथा डोनबासको पूर्ण सार्वभौमिकता माग दोहोर्‍याएको छ । युरोपेली नेताहरू र जेलिन्स्कीले भने, ‘युद्ध अन्त्यको शुरुवात हालको अग्रपंक्तिलाई स्थिर पारेर मात्र सम्भव छ ।’