मधेसका मुख्यमन्त्रीको राजीनामा स्वीकृत, नयाँ सरकार गठनका लागि आह्वान

काठमाडौं ।  मधेस प्रदेशमा नयाँ सरकार गठनका लागि प्रदेश प्रमुख सुमित्रा सुवेदी भण्डारीले दलहरूलाई आह्वान गरेकी छन् । 

उनले संविधानको धारा १६८ को उपधारा २ बमोजिम बहुमतको सरकार गठन गर्न निर्देशन दिएकी हुन् ।

आजै प्रदेशका मुख्यमन्त्री सतिश कुमार सिंहले विश्वासको मत लिनुपर्ने दिनमा सदनमै राजीनामा दिएका थिए । उनका राजीनामापछि प्रदेशमा सरकार गठनको प्रक्रिया सुरु भएको हो ।

प्रदेश प्रमुखको यो आह्वानसँगै दलहरूले नयाँ सरकार गठनका लागि तालमेल र वार्ता प्रक्रिया सुरु गर्ने अपेक्षा गरिएको छ ।