संसद् भवनको भाडा सम्झौता रद्द

काठमाडौं । नयाँ बानेश्वरस्थित संघीय संसद्को लागि प्रयोग हुँदै आएको भवनको भाडा सम्झौता रद्द गरिएको छ ।

गत भदौ २३ र २४ गते ‘जेनजी आन्दोलन’का क्रममा भवनमा आगजनी र तोडफोड भएपछि प्रयोग गर्न अयोग्य बनेको कारण संसद् सचिवालयले सम्झौता रद्द गरेको हो ।

सचिवालयका अनुसार मुलुकी देवानी संहिता, २०७४ अनुसार सम्झौता रद्द गरिएको हो । यो निर्णय भदौको अन्तिम सातादेखि लागू भएको बताइएको छ ।