विश्वकप छनोट : नेपाल समूहको अन्तिम खेलमा जापानसँग भिड्दै

काठमाडौं । आईसीसी टी–२० विश्वकप एसियारप्यासिफिक छनोट प्रतियोगिताको समूह चरणको अन्तिम खेल आज नेपाल र जापानबिच हुनेछ ।

दुवै टोलीले पहिले नै ‘सुपर सिक्स’मा स्थान पक्का गरिसकेका छन् । तर आजको खेलले समूह विजेता र उपविजेताको निर्णय गर्नेछ ।

बिहीबार जापानले कुवेतलाई हराएपछि नेपाल र जापान दुवै सुपर सिक्समा पुगेका हुन् । समूह चरणमा नेपालसँग हार भोगिसकेको कुवेत र जापानसँग पराजित कुवेत प्रतियोगिता बाहिरिएका छन् ।

आजको खेलको विजेताले सुपर सिक्समा अतिरिक्त अंक पाउने भएकोले दुवै टोलीमाथि जित्नै पर्ने दबाब छ । नेपालले आफ्नो पहिलो खेलमा ५८ रनको शानदार जित निकालेको थियो, त्यसैले उच्च मनोबलका साथ मैदानमा उत्रनेछ ।