प्राविधिक सशस्त्र प्रहरी निरीक्षक सिटौलालाई सेवाबाट हटाउने तयारी, यस्तो छ कारण 

काठमाडौं । गृह मन्त्रालयले प्राविधिक सशस्त्र प्रहरी निरीक्षक डा. महिमा सिटौलालाई सेवाबाट हटाउने तयारी गरेको छ । 

मन्त्रालयले बिदा स्वीकृत नगरी साउन १४ देखि कार्यालयमा अनुपस्थित रहेको भन्दै उनलाई सेवाबाट हटाउने तयारी गरेको हो । उनी कैलालीको धनगढी उपमहानगरपालिका–१ की स्थायी बासिन्दा हुन् । 

सचिवस्तरको असोज २० गतेको निर्णयअनुसार उनलाई ‘भविष्यमा सरकारी सेवामा अयोग्य नठहरिने गरी’ बर्खास्त गर्ने प्रक्रिया अघि बढाइएको छ । साथै, आजको मितिले बाटोको म्यादबाहेक सात दिनभित्र कारण पेस गर्ने मौका पनि दिइएको छ ।

आईडी नम्बर १६९१ बाहक उनी नेपाल एपीएफ अस्पताल बलम्बुमा कार्यरत थिइन् ।