बल्खुको तरकारी बजारमा पानी पस्यो

काठमाडौं । बल्खुको तरकारी बजारमा पानी पसेको छ । बागमती नदी तथा अन्य सहायक खोलामा पानीको बहाव बढेपछि तरकारी बजारमै पानी पसेको हो ।

तरकारी बजारभित्र पानी पसेपछि यति बेला तरकारी बजार खाली गराइएको छ ।

सशस्त्र प्रहरीले यति बेला तरकारी बजार खाली गराउँदै त्यहाँ रहेका सामानहरूलाई समेत अन्यत्र सार्न सहयोग गरेको जनाएको छ ।

यसअघि बल्खु नजिकैको कुलेश्वरको सुकुम्वासी बस्तीमा समेत पानी पसेपछि त्यहाँका १ सय घरधुरीलाई अन्यत्र सारिएको छ ।

काठमाडौं महानगरपालिकाले जोखिम क्षेत्रका बस्तमिा रहेका बासिन्दाहरूलाई सुरक्षित स्थानमा सार्नका लागि विभिन्न स्थानमा विद्यालय तथा आश्रय स्थलको व्यवस्था गरेको छ ।