भौतिक संरचना पुनर्निर्माणका लागि दिव्यमणिराज भण्डारीले सरकारलाई दिए ५१ लाख

काठमाडौं । पूर्वसांसद एवं नेपाली कांग्रेसका नेता दिव्यमणिराज भण्डारीले भौतिक संरचना पुनर्निर्माणका लागि सरकारलाई ५१ लाख रुपैयाँ हस्तान्तरण गरेका छन् ।

भण्डारीले आज प्रधानमन्त्री सुशीला कार्कीलाई भेटेर ५१ लाख रुपैयाँ भौतिक संरचना पुनर्निर्माण कोषमा जम्मा गराएका हुन् ।

भण्डारीको एनएमबी बैंकको खाताबाट पैसा जम्मा गरिएको हो ।

त्यसो त यसअघि नै भण्डारीले सामाजिक सञ्जालमा लेख्दै आफूले सरकारलाई ५१ लाख रुपैयाँ दिने घोषणा गरेका थिए । आज सिंहदरबारमा भेटेर प्रधानमन्त्री कार्कीलाई सो रकम बुझाएका हुन् ।

सरकारले जेनजी आन्दोलनपछि ध्वस्त भएको संरचना पुनर्निर्माणका लागि सहयोग गर्न सार्वजनिक अपिल गरेको थियो ।