काठमाडौं । मधेश प्रदेश सरकारबाट नेपाली कांग्रेस बाहिरिएको छ ।
जनकपुरमा आज बिहान बसेको कांग्रेस प्रदेश संसदीय दलको बैठकले मुख्यमन्त्री सतिसकुमार सिंहको नेतृत्वमा रहेको सरकारलाई दिएको समर्थन फिर्ता लिने निर्णय गरेको हो ।
समर्थन फिर्ता लिएसँगै कांग्रेसले औपचारिकरुपमा आजै सरकारबाट बाहिरिने निर्णय गरेको कांग्रेस संसदीय दलले पुष्टि गरेको छ ।
कांग्रेस संसदीय दलका नेता कृष्ण यादवले बैठकबाट मधेस सरकारलाई दिएको समर्थन फिर्ता लिने निर्णय भएको जानकारी दिए ।
जेनजी आन्दोलनपछि भदौ २४ गते सामाजिक सञ्जालबाट मुख्यमन्त्री शतीसकुमार सिंहले राजीनामाको घोषणा गरेसँगै अहिले मधेश प्रदेशमा रडाको मच्चिएको छ । उनले राजीनामा दिए पनि माहोल शान्त भएपछि पदबाट हट्न नखोजेपछि प्रदेश सभा सदस्यहरुले विरोध जनाइरहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया