काठमाडौं । नवनियुक्त मन्त्रीहरुले शपथग्रहण गरेका छन् ।
राष्ट्रपति भवन शीतल निवासमा आयोजित एक समारोहकाबिच शपथग्रहण गरेका हुन् ।
प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले अनिलकुमार सिन्हा, महावीर पुन, मदनप्रसाद परियार र जगदीश खरेललाई मन्त्री नियुक्त गरेका हुन् ।
जसअनुसार अनिलकुमार सिन्हालाई उद्योग वाणिज्य तथा आपुर्ती मन्त्रालय, कानुन न्याय तथा संसदीय मामिला मन्त्रालय, भूमी व्यवस्था, सहकारी तथा गरिबी निवारण मन्त्रालयको जिम्मेवारी दिइएको छ ।
महावीर पुनलाई शिक्षा विज्ञान तथा प्रविधि मन्त्रालय, मदनप्रसाद परियार कृषि तथा पशुपंक्षि विकास मन्त्रालय र जगदीश खरेल सञ्चार तथा सूचना प्रविधि मन्त्रालयको जिम्मेवारी दिइएको छ ।
यसअघि नै प्रधानमन्त्री कार्कीले तीन मन्त्री नियुक्त गरिसकेकी थिइन् । रामेश्वर खनाललाई अर्थमन्त्री, कुलमान घिसिङलाई उर्जा र ओमप्रकाश अर्याललाई गृहमन्त्रीको जिम्मेवारी दिइएको छ ।
शपथ ग्रहण समारोहमा सहभागी हुन सभामुख देवराज घिमिरे, राष्ट्रियसभा अध्यक्ष नारायणप्रसाद दाहाल, प्रधानमन्त्री सुशीला कार्की लगायतका उच्च पदस्थको उपस्थिति छ ।
त्यसो त स्वास्थ्य मन्त्रालयकी पूर्वकर्मचारी संगीता कौशल मिश्राको नाम समेत सिफारिस भएको थियो । तर उनको नाममा विवाद आएपछि अन्तिममा नाम काटिएको हो ।
यो खबर पढेर तपाईलाई कस्तो महसुस भयो ?
प्रतिक्रिया