उर्जामन्त्रीसँग भारतीय राजदूतको भेट, यातायात र विकासमा सहयोगको प्रतिबद्धता

 काठमाडौं । ऊर्जा, शहरी विकास तथा भौतिक पूर्वाधार तथा यातायात मन्त्री कुलमान घिसिङसँग भारतीय राजदूत नवीन श्रीवास्तवले भेटवार्ता  गरेका छन् । 

आइतबार बिहान सिंहदरबारस्थित मन्त्रालयमा राजदूत श्रीवास्तवले शिष्टाचार भेटवार्ता गरेका हुन् । 

जेनजी पुस्ताको आन्दोलनपछि अन्तरिम सरकारको शक्तिशाली मन्त्री भएका घिसिङलाई राजदूत श्रीवास्तवले बधाई ज्ञापन गर्दै कार्यकालको सफलताको शुभकामना व्यक्त गरे । 

भेटका क्रममा राजदूत श्रीवास्तवले नेपालको ऊर्जा, यातायात, भौतिक पूर्वाधार, शहरी विकासका क्षेत्रमा भारतले सहयोग जारी राख्ने प्रतिबद्धता व्यक्त गरे । 

नेपालको विकासका लागि भारतले सहयोग गर्दै आएको स्मरण गर्दै मन्त्री घिसिङले नेपालाई अहिले नेपालको शान्ति व्यवस्था, विकास र समृद्धिमा भारतको साथ र सहयोग आवश्यक रहेको बताए ।