दसैँको टीकाको साइत कति बजे ?

काठमाडौं । नेपाल पञ्चाङ्ग निर्णायक विकास समितिले यस वर्षको विजयादशमी (बडादसैँ) टीकाको उत्तम साइत सार्वजनिक गरेको छ । 

समितिका अनुसार असोज १६ गते सोमबार बिहान ११ः५३ बजे टीका लगाउन शुभ रहनेछ ।

समितिले जनाएको अनुसार यस वर्षको दुर्गा पक्ष अर्थात् बडादसैँ असोज ६ गते सोमबारदेखि सुरु हुनेछ । सो दिनलाई नवरात्रारम्भ पनि भनिन्छ ।

त्यसै दिन घटस्थापनाको साइत बिहान ९ बजेर १३ मिनेटमा रहेको समितिले जानकारी दिएको छ ।