सुनको मूल्यमा सामान्य वृद्धि, कतिमा भइरहेको छ कारोबार ?

काठमाडौं । नेपाली बजारमा आज (सोमबार) सुनचाँदीको मूल्यमा सामान्य वृद्धि भएको छ । नेपाल सुनचाँदी व्यवसायी महासंघका अनुसार सुनको मूल्य अघिल्लो दिनको तुलनामा तोलामा १०० रुपैयाँले बढेको छ ।

आइतबार तोलामा २ लाख १५ हजार १०० रुपैयाँमा कारोबार भएको सुन सोमबार तोलामा २ लाख १५ हजार २०० रुपैयाँ पुगेको छ ।

यस्तै, चाँदीको मूल्य पनि तोलामा ५ रुपैयाँले बढेको छ । आइतबार तोलामा २ हजार ५७० रुपैयाँ कायम भएको चाँदी सोमबार तोलामा २ हजार ५७५ रुपैयाँमा कारोबार भएको महासंघले जनाएको छ ।