काठमाडौं । आइतबार जेनजी समूहले गरेको पत्रकार सम्मेलनमा लफडा भएको छ ।
आज रिपोटर्स क्लबमा आयोजित पत्रकार सम्मेलनमा लफडा भएको छ ।
जेनजी समूहका अगुवा मानिएका सुदन गुरुङ बोल्दा केही सञ्चारकर्मीहरुले आपत्ति जनाए । पत्रकारहरुले प्रश्न सोध्न थालेपछि सुदन आक्रोशमा आएपछि माहोल थप अशान्त बन्न पुगेको हो ।
सो क्रममा केही सञ्चारकर्मीहरुले ७० वर्षका केपी ओलीलाई हटाएर ७३ वर्षको मान्छेलाई प्रधानमन्त्री बनाउने भन्दै प्रश्न गरे । साथै सुदनलाई जेनजी आन्दोलनको जस लिन खोजेको भन्दै युवा र पत्रकारहरु आक्रोशित भए ।
या सुदनले भने आफूले उक्त आन्दोलनको नेतृत्व नगरेको बरु आन्दोलनका दिन आफू भोलुन्टियरको रुपमा मात्रै देखिएको उनको दाबी छ । साथै आफूले आन्दोलनको सुरुवात नगरेको बरु अन्त्य गरेको उनले बताए ।
‘आन्दोलनको सुरुवात मैले गरेको होइन । संसद भवनमा आगो लगाउने बेला हामीले नगर नगर भन्यौँ तर कसैले मानेन,’ उनले भने, ‘आन्दोलनका बेला हामी भोलुन्टियररिङ गरिरहेका थियौँ । तर आन्दोलनको अन्त्य मैले गरेको हो ।’
यता उपस्थितहरुले भने आन्दोलनमा अघि नआउने तर अन्त्यमा आएर जस लिन खोजेको भन्दै आन्दोलनमा मारिएकाहरुको जिम्मा लिनुपर्ने भन्दै आक्रोश व्यक्त गरे ।
यता रिपोटर्स क्लबमा अध्यक्ष ऋषि धमलाले माहोललाई केही शान्त बनाउन खोजे । तर आक्रोशित युवाहरु मञ्चमा चढ्न थालेपछि भने माहोल अशान्त बनेको हो । अहिले त्यहाँ बादबिबाद चलिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया