काठमाडौं । प्रधानमन्त्री सुशीला कार्कीले जेनजी आन्दोलनका क्रममा घाइते भएका युवाहरूसँग भेटघाट गरेकी छिन् ।
शनिबार उनले विभिन्न अस्पतालमा पुगेर उपचाररत घाइतेहरूको स्वास्थ्य अवस्थाबारे जानकारी लिएकी हुन् ।
प्रधानमन्त्री कार्कीले त्रिवि शिक्षण अस्पतालको ट्रमा सेन्टर र बानेश्वरस्थित सिभिल अस्पतालमा उपचाररत युवाहरूसँग भेटेर स्वास्थ्यबारे जानकारी लिएको उनका सचिवालयले जनाएको छ ।
यस क्रममा उनले घाइतेहरूको उपचारमा कुनै कमी नहोस् भनी चिकित्सकलाई निर्देशन दिएकी छिन् ।
प्रधानमन्त्री कार्कीले आन्दोलनका क्रममा क्षतिग्रस्त भएका केही प्रहरी चौकीहरूको पनि स्थलगत अनुगमन गर्ने तयारी भएको स्रोतले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया